Tronditëse/ 21-vjeçari shiste gra myslimane në një ankand të rremë në internet

Nga OraNews Përditësimi i fundit 4 Janar 2022, 19:07

Një 21-vjeçar është arrestuar, pasi ka publikuar në internet fotot e më shumë se 100 grave myslimane, duke thënë se janë "në shitje".

Studenti nga qyteti jugor i Bangalore në Indi, krijoi ankandin për shitjen e grave myslimane nëpërmjet  aplikacionit "Bulli Bai".

Mediet e huaja njoftojnë se menjëherë pasi policia identifikoi aplikacionin dashakeqës, "Bulli Bai" u mbyll.

Gratë e nxjerra në shitje ishin gazetare dhe aktiviste të shquara myslimane.

"Ato morën pjesë në ankandin e rremë kundër vullnetit të tyre", shkruajnë mediet e huaja.

Kjo është hera e dytë që gratë myslimane “dalin” në një ankand online.

E njëjta gjë ndodhi korrikun e kaluar kur profilet e më shumë se 80 grave u postuan dhe u shpërndanë  në internet.

Në të dyja rastet, qëllimi ishte për t'i poshtëruar dhe degraduar ato pasi këto gra kishin dalë kundër nacionalizmit në rritje nën kryeministrin Narendra Modi./Ora News/