Leku shkon te leku/ Miliarderi i planetit e fillon vitin mbarë, bëhet edhe 32 miliardë dollarë më i pasur
Nga OraNews Përditësimi i fundit 4 Janar 2022, 15:36
Elon Musk, njeriu më i pasur në botë e filloi 2022-in duke u pasuruar akoma dhe më shumë.
Në ditët e para të janarit, pasuria e Musk u rrit me 32.6 miliardë dollarë, duke e çuar kështu pasurinë e tij në një total prej 304.2 miliardë dollarësh.
Sipas Forbes, miliarderi, i cili është gjithashtu themeluesi i ndërmarrjes së stacionit hapësinor SpaceX dhe i kompanisë Tesla të makinave elektrike, mbetet në krye të listës së njerëzve më të pasur në botë.
Të dielën, 2 janar, prodhuesi i makinave elektrike njoftoi se gjatë 2021-it ka shitur më shumë se 936,000 makina, duke tejkaluar parashikimet e analistëve.
Shefi ekzekutiv i Tesla, Musk, i cili u emërua Personi i Vitit 2021 nga revista "Time Magazine" zotëron rreth 15.6% të aksioneve të kompanisë.
