Vajza 8-vjeçare mbledh 250 000 euro për të ndihmuar personat e tjerë të djegur
Nga OraNews Përditësimi i fundit 22 Dhjetor 2021, 22:14
Një tetëvjeçare e mbijetuar e djegieve nga Dublini ka mbledhur më shumë se 250 000 euro për spitalin e saj duke vrapuar në një maratonë.
Elizabeth Soffe pësoi djegie të rënda si foshnjë dhe tani ka nevojë për transplantim të lëkurës çdo gjashtë muaj.
Si pjesë e festimeve të ditëlindjes së saj të tetë në fillim të dhjetorit, Elizabeth zbuloi një makineri lazer të blerë me paratë që kishte mbledhur, për të ndihmuar viktimat e tjera të djegura.
Liam Soffe, babai i Elizabeth, tha se ata po kërkonin një mënyrë për t'i "rikthyer" spitalit makinerinë.
“Ne e dinim se ata kishin nevojë për këtë makineri lazer, për të cilën ata nuk ishin në gjendje të merrnin fonde,” - tha ai.
Objektivi për mbledhjen e fondeve ishte fillimisht për një makineri lazer prej 130,000 £ (152,000 €).
Kishte një makineri të tillë në spitalin e të rriturve, por fëmijët nuk mund ta përdornin.
Familja filloi e mbledhjes së fondeve në korrik, duke vrapuar një milje çdo ditë për 26 ditë - distanca e një maratonë.
Elizabeth-it iu desh të vraponte 20 milje në oborrin e shtëpisë së saj - 73 xhiro përreth kopshtit të saj - pasi duhej të izolohej për shkak të dikujt në klasën e saj që kishte Covid.
Nëna e Elizabeth, e cila postoi pamjet e vrapimeve në Instagram, tha se historia e vajzës së saj duket se ka kapur imagjinatën e njerëzve.
Me ndihmën e paraqitjeve të saj në radio dhe TV, më shumë njerëz dhuruan para.
