Kishte bërë gati dozat e kanabisit për shitje, arrestohet 43-vjeçari në Fier
Nga OraNews Përditësimi i fundit 22 Dhjetor 2021, 10:35
Një 43-vjeçar është arrestuar nga policia e Fierit pasi u ka duke transportuar një sasi me lëndë narkotike për ta shitur në doza.
Blutë bëjnë me dije se është sekuestruar një pako me lëndë narkotike cannabis sativa.
Shërbimet e policisë, në bazë të informacioneve që kishin marrë për një automjet që dyshohej se transportonte lëndë narkotike, kanë bërë të mundur bllokimin e automjetit dhe shoqërimin e drejtuesit për në Komisariat.
Gjatë kontrollit të automjetit tip "Citroen", shërbimet e Policisë kanë konstatuar se në sediljen e pasme ndodhej një çantë ku brenda saj kishte një pako me lëndë narkotike të dyshuar cannabis sativa.
Nga veprimet e para hetimore, rezulton se ky shtetas do ta shiste lëndën narkotike në doza në qytetin e Fierit.
Në vijim të veprimeve, specialistët e Seksionit për Hetimin e Narkotikëve në DVP Fier bënë arrestimin në flagrancë të shtetasit Aulon I. 43 vjeç, banues në Tiranë
Materialet i kaluan Prokurorisë së Rrethit Gjyqësor Fier, për veprime të mëtejshme, për veprën penale “Prodhimi dhe shitja e narkotikëve”.
