Bora 30 centimetra në Dardhë, ja gjendja e rrugëve në Korçë
Nga OraNews Përditësimi i fundit 10 Dhjetor 2021, 10:31
Prefektura e Korçës njofton situatën aktuale të rrugëve dhe të kushteve atmosferikë në Korçë.
Gjatë natës kanë vazhduar reshjet e shiut e dëborës në lartësitë mbi 1100 m, ndërsa trashësia e dëborës në Dardhë varion 20-30 cm, në Voskopojë e Qafa Qarrit deri 5 cm.
Akset rrugore nacionale dhe ato dytësore janë të kalueshme dhe pa probleme.
Ka filluar nga bashkia Korçë hapja e segmentit dytësor Vithkuq-Shtylle-Panarit.
Nga raportimet e marra nuk ka problematika emergjente, ka pasur ndërprerje të përkohshme të energjisë elektrike, por që është mbajtur në kontroll nga punonjësit e OSHEE.
Prurjet e lumenjve kanë qenë normale dhe pa probleme. Gjithashtu edhe niveli i ujërave në rezervuar e ujëmbledhës është në kuota normale.
