Kakavijë/ Shërbimet e patrullës së kufirit të gjelbër gjejnë një person të pajetë në rrugë

Nga shërbimet e patrullës së kufirit të gjelbër Kakavijë është gjetur një shtetas pa shenja jete në rrugë.

Mësohet se është gjetur i pajetë shtetasi P. S., rreth 68 vjeç, banues në Gjirokastër.

Nga këqyrja paraprake e trupit nuk vërehen shenja dhune. Gjithashtu nga veprimet paraprake hetimore, dyshohet se vdekja mund të jetë shkaktuar nga shkaqe natyrore.

Grupi hetimor ndodhet në vendngjarje dhe po punon për sqarimin e rrethanave të ngjarjes.