"Është maskarallëk", thotë njëri, "Kështu ka ardhur koha", një tjetër/ A do pranonin të shkonin në azil shqiptarët?
Nga OraNews Përditësimi i fundit 8 Dhjetor 2021, 09:19
Sa e mirëpresin të moshuarit shqiptarë azilin? A do pranonin të shkonin në shtëpinë e të moshuarve?
Kjo ishte tema e rubrikës në Vox Pop, në emisionin e mëngjesit "Ditë e Re" në ekranin e RTV Ora.
Edhe pse në perëndim shtëpia e të moshuarve është një praktikë, që konsiderohet normale nga të huajt, të moshuarit shqiptarë shprehen kundër azilit.
Shumica e tyre thanë se nuk do të shkonin në azil.
"Jo, deri sa kam blerë një shtëpi, do vdes në shtëpi. Nusja të shohë prindërit e vetë, dhe djali prindërit e rij. Është maskarallëk", u shpreh një qytetar.
Ndërsa një qytetar tjetër tha se nëse kushtet dhe rrethanat janë të atilla, ai do shkonte në azil e nuk do i mbante inat djalit.
"Kështu ka ardhur koha, po nuk na mbajti djali do shkoja. Nuk do i mbaja inat, nuk mbahet inat për fëmijën."
