Vrasja e 8-vjeçarit, Rama ngushëllon familjen: Gjithë shoqëria është tronditur, të merret dënimi më ekstrem për barbarin

Nga OraNews Përditësimi i fundit 17 Nëntor 2021, 08:38

Kryeministri Edi Rama e ka konsideruar tronditëse ngjarjen e ndodhur një ditë më parë në Fier, ku 8 vjeçari u rrëmbye dhe vra nga fqinji. Teksa ngushëlloi familjen, Rama kërkoi nga drejtësia të jetë në lartësinë e duhur dhe autori i krimit të marrë dënimin më ekstrem të parashikuar nga ligji.

Pak minuta para se të nisej për në Itali, nga aeroporti ndërkombëtar i Rinasit, kryeministri i vendit Edi Rama shprehu ngushëllimet për familjen e 8-vjeçarit i cili u vra nga fqinji në Fier.

Kreut të qeverisë ju deshën më shumë së 12 orë për të gjetur fjalët për këtë krim makabër.

Rama: E gjithë shoqëria është tronditur por mbi të gjitha mbetet e pangushëllueshme për prindërit, për të afërmit humbja e vogëlushit Mateo dhe ajo që nuk e bën më të lehtë peshën e kësaj humbjeje në mendjen dhe zemrën e nënës, babait, familljes por pritet me padurim nga të gjithë është verdikti më ekstrem i drejtësisë mbi barbarin i cili falë reagimit të menjëhershëm dhe identifikimit dhe kapjen së shpejtë nga policia gjendet sot pas hekurave. Kjo është një nga ato ngjarje që të lënë pa fjalë dhe duke shqyrtuar imtësisht gjatë mbrëmjes së djeshme të gjithë rrjedhën e ngjarjes si dhe profilin e autorit mbetet shija e tmerrshme e asaj që ka ndodhur dhe dosmosdoshmëria për të reaguar menjëherë në nivelin e drejtësisë dhe kështu për të vënë pikën e drejtësisë në këtë episod kaq tronditës.

Vëllazërisht u shpreh ngushëllimet prindërve, familjes, të afërmve. I vetëdijshëm që në një rast si ky fjalët janë të pafuqishme por fjalët mbeten dhe pjesa tjetër i takon drejtësisë që në këtë rast duhet të jetë dosmdosshmërisht e shpejtë dhe domosdoshmërisht në lartësinë e nevojës së gjithë opinionit publik për një reagim me vendimin më ekstrem të parashikuar nga ligji. E pata të pamundur të shkruaj një tekst mbi këtë ngjarje dhe kjo është arsyeja që mu duk më e udhës ta bëja këtë sot bashkë me ju në prag të nisjes për vizitën zyrtare në Romë.

Edhe pse hodhi baltë ndaj gjytarëve, Edi Rama i kërkoi sistemit të drejtësisë t’i japë dënimin maksimal autorit të vrasjes së 8 vjeçarit.

Pavarësisht se e mirëkupton gjuhën e urrejtjes së qytetarëve në rrjete sociale, të cilët kërkojnë rikthimin e dënimit me vdekje, Edi Rama mendon që nuk është zgjidhja për këtë situatë.

Qeveria refuzon të mbajë përgjegjësi për mosfunksionin e institucioneve të cilat kontrollojnë personat me çregullime mendore, por Rama edhe për këtë rast ka gjetur një fajtor.

Madje për këtë po bën edhe një projektligj me Ministrinë e Brendshme.

Rama e pranoi që bashkëfajtore nuk është vetëm drejtësia, por edhe politika, me shfaqje të shëmtuara në Parlament.