Toka pa dëmshpërblim, inceneratori në hetim, banorët nxjerrin letrat në Sharrë
Nga Sonila Musai Përditësimi i fundit 12 Nëntor 2021, 19:09
Banorët e Sharrës nuk kanë marrë një plan konkret për zgjerimin e landfillit dhe frika më e madhe e tyre është se mos nga zgjerimi i landfillit do preken shtëpitë e tyre. Ata kërkojnë projektin dhe kompesimin e tokave që u është zënë nga landfilli.
Banorët e Sharrës vijojnë të kundërshtojnë zgjerimin e landfillit.
Ata janë të shqetësuar pasi kanë frikë se nga zgjerimi mund të preken shtëpitë e tyre.
"Të gjitha janë marrë."
Kërkojnë nga Bashkia planin e zgjerimit.
"Dua nga Bashkia që të më garantojë për shtëpinë, nuk bëj dot një investim. Kam tre çuna. Tokat u morën, e di që nuk kthehen më."
Sipas tyre me zgjerimin e landfillit jetesa aty ju duket e pamundur.
"Si në ishull kemi mbetur, pa tokë, pa gjë. 100 dynym tokë nuk janë shpërblyer, as pemë. Nuk kam marrë asgjë këtu."
Më krijimin e landfillit banorëve të Sharrës u janë marrë tokat nga ku një pjesë e madhe nuk kanë marrë as kompensim.
Gjithashtu kanë humbur puset e ujit dhe sipas tyre me zgjerimin e landfillit mund të rrezikojnë varrezat 500 vjeçare dhe xhamia e fshatit.
