Rrëfimi i gruas së dhunuar nga Tirana: Prej 7 mujash s’kam parë fëmijët, burri më rrihte mua dhe ata, ja pse ika
Nga OraNews Përditësimi i fundit 5 Nëntor 2021, 19:24
Gruaja nga Tirana, në një rrëfim rrëqethëse ka treguar dhunën nga bashkëshorti me të cilin kishte 17 vite martesë.
Në një intervistë për emisionin “Jeto me Orën”, gruaja e cila është nënë e tre fëmijëve shprehet se burri ka nisur ta dhunojë 6 vitet e fundit dhe sipas saj një nga arsyet kryesore ka qenë xhelozia.
E detyruar të largohet nga shtëpia gruaja shprehet se hezitoi që ta denonconte në polici për shkak të fëmijëve.
Gruaja nga Tirana: Kam jetuar 17 vite me bashkëshorti. Jam nënë e tre fëmijëve. Probleme kemi pasur që në fillim të martesës. Filloi me dhunë psikologjike dhe fizike. Ishte shumë xheloz dhe i ashpër. Prej 5-6 vitesh jamë dhunuar, më rrihte dhe në sy të fëmijëve. Nuk e denoncova sepse më ndalonin shumë gjëra, jo fëmijët, mendova se do kthente. Dhunonte dhe fëmijët se kishte inat se mbrojtja do më kalonte mua.
Më pas u largova nga shtëpia. Kam prej 7 muajsh. Më merrte në telefon që të më ndalonte por nuk pranova. Tentova të marrë fëmijët por nuk mi la, i dhunoi. Unë jetoja me bashkëshorte, fëmijët dhe vjehrrën. Nuk i kam treguar gjë njeriu, me kalimin e kohës ia tregova dhe fëmijët.
Ajo aktualisht qëndron te prindërit e saj, ndërkohë shprehet se prej 7 muajsh nuk ka parë fëmijët e saj.
Gruaja nga Tirana: Tani po qëndrojë tek prindërit. Fisi më ka mbështetur. Fëmijët si kam parë dhe si kam dëgjuar që prej 7 muajsh nuk e di se si janë, a hanë apo pinë. Burri i kontrollon vazhdimisht.
