Kukësi imponohet ndaj Dinamos, arrin Tiranën në krye të Superiores
Nga OraNews Përditësimi i fundit 29 Tetor 2021, 21:39
Kukësi vijon të impresionojë dhe të marrë rezultate të mira ndaj ekipeve të pjesës së sipërme të tabelës. Në “Air Albania”, skuadra e drejtuar nga Diego Longo arriti të marrë maksimumin ndaj Dinamos me suksesin 1-0 në një ndeshje shumë të luftuar por të intepretuar më mirë nga verilindorët.
Dinamo e nisi më mirë takimin ky me dy raste nga Chinedu dhe Ibraimi, iu afruan golit por gabuan në momentet e fundit.
Në minutën e 28’, kroati Basha arriti të kalonte përpara Kukësin me një parabol ndaj portierit Harizaj dhe u deshën 4 minuta që VAR të konfirmonte golin pasi dyshohej për pozicion jashtë loje.
Edhe pjesa e dytë nisi më mirë për dinamovitët që rrezikuan sërish me Chinedu në 48’ me gjuajtjen e tij që prek pothuajse traversën.
Minutat në vijim janë të tensuionuara për ekipet nga frika e gabimeve dhe Dinamo në në dy raste është shumë i rrezikshëm në 74’ duke iu afruar barazimit.
Skuadrat bëjnë zëvendësime dhe pavarësisht tentativave, ndeshja mbyllet me suksesin e Kukësit që merr 3 pikë dhe shkon tashmë në krye të renditjes bashkë me Tiranën./Ora News/.
