Mblidhet Bundestagu i ri gjerman, do të drejtohet nga gratë
Nga OraNews Përditësimi i fundit 26 Tetor 2021, 22:50
Anëtarët e legjislaturës së re parlamentare në Gjermani, u mblodhën për herë të parë këtë të martë.
Të 736 anëtarët e Bundestagut kanë zgjedhur Baerbel Bas Presidente.
Ajo është pjesë e Social-Demokratëve, parti, e cila në zgjedhjet e muajit të kaluar ka dalë e para.
Kancelarja Merkel mori pjesë si vizitore në këtë seancë pasi nuk ka më mandat deputeti.
Bundestagu ka një numër rekord deputetësh këtë herë. Shoqata e taksapaguesve ka protestuar me argumentin e rritjes së shpenzimeve që shkojnë mbi 410 milionë euro gjatë këtij mandati.
Bundestagu i dalë nga zgjedhjet e fundit do të drejtohet nga gratë. Kjo vihet re në propozimet e partive politike.
Në historinë e Parlamentit gjerman ka pasur deri tani vetëm dy kryetare.
Tri partitë që shpresojnë të formojnë Qeverinë e re, Social-Demokratët, Partia e Gjelbër dhe Demokratët e Lirë, kanë thënë se shpresojnë të kenë kancelarin e ri të shtetit në fillim të dhjetorit.
