Vrasja në shesh xhirimi/ Asistenti që i dha pistoletën aktorit ishte pushuar edhe më parë nga puna pas ngarjeje të ngjashme me armë
Nga OraNews Përditësimi i fundit 26 Tetor 2021, 09:48
Mbarë opinioni është tronditur nga tragjedia, që ndodhi në shesh xhirim, ku aktori i njohur, Alec Baldwin qëlloi aksidentalisht drejtoreshën e fotografisë, e cila humbi jetën dhe regjisorin e filmit, i cili po trajtohet në spital.
Asistenti i regjisorit në filmin "Rust", i cili i dorëzoi armën manovër aktorit, Alec Baldwin-it përpara të shtënave fatale javën e kaluar, është pushuar edhe më parë nga një produksion filmi, pasi një incidenti të ngjashëm, ku mbeti i plagosur një anëtar i grupit të xhirimit, tha kompania e prodhimit të filmit për CNN.
Dave Halls ishte asistent regjisor në filmin "Rruga e Lirisë" në vitin 2019, kur një armë "qëlloi befas" në xhirime, tha të hënën kompania e prodhimit "Rocket Soul Studios".
Anëtari i ekuipazhit të zërit, që u plagos aksidentalisht mori trajtim mjekësor. Ai u kthye në shesh xhirim disa ditë më vonë, tha "Rocket Soul".
Pas incidentit, Halls u hoq nga grupi dhe u pushua nga produksioni, tha kompania.
“Halls u hoq nga grupi menjëherë pas shkarkimit të armës manovër. Prodhimi nuk rifilloi xhirimet derisa Dave u largua nga vendi," tha kompania.
