Tesla e Elon Musk kalon vlerën prej një trilion dollarësh në treg pas porosisë së Hertz
Nga OraNews Përditësimi i fundit 26 Tetor 2021, 12:29
Kompania amerikane për prodhimin e makinave elektrike, Tesla, tejkaloi vlerën prej një trilion dollarësh në treg, duke u bërë kompania e pestë me këtë arritje historike.
Aksionet e saj u rritën për 12.6%, pas arritjes së një marrëveshjeje për t’i shitur 100,000 automjete firmës së makinave me qira, Hertz.
Hertz do të paguajë 4.2 miliardë dollarë për 100,000 makina Model 3s, gjatë 14 muajve të ardhshëm.
“Automjetet elektrike tani janë të zakonshme dhe ne kemi filluar të shohim rritje të kërkesës dhe interesit global”, tha shefi i përkohshëm i Hertz-it, Mark Fields.
Tesla ka qenë prodhuesi më i vlefshëm i makinave në botë për disa kohë, por kompanitë si Ford dhe GM prodhojnë më shumë makina.
Deri tani vetëm katër gjigantë të tjerë amerikanë kanë arritur vlerën prej një trilion dollarësh në treg - në mesin e tyre: Apple, Microsoft, Amazon dhe Alphabet.
Për vite me radhë, Tesla luftoi për të rritur prodhimin e makinave të saj, duke bërë që disa investitorë të spekulonin se do të dështonte.
Por vitin e kaluar kompania, e udhëhequr nga miliarderi Elon Musk, rriti lojën e saj dhe u bë fitimprurëse për herë të parë, duke bërë që aksionet e saj të ngriheshin.
