Nga Arabia e Kina në Vlorë, 40 % e kapaciteteve hoteliere ishin të rezervuara në tetor
Nga Edi Ruçi Përditësimi i fundit 19 Tetor 2021, 15:28
Sezoni që po lëmë pas ishte një sezon i mirë për turizmin në Vlorë. Operatorët turistikë thonë se edhe muaji tetor ishte i mirë, ndërsa shprehën rezerva përsa i përsa i përket larmishmërisë së shërbimeve, por edhe gjetjes së punëtorëve.
Gjysma e parë e tetorit për Vlorën rezultoi pozitive sa i përket turizmit.
Rreth 40% e kapaciteteve të hotelerisë, ishin të pronotuara. Madje edhe në shtator pushuesit ishin të shumtë, duke rënë me 20% vetëm pas nisjes së shirave.
"40% e hioteleve janë të prenotuara."
Surprizë këtë vit kanë qenë pushuesit nga shtete të ndryshme.
"Ka pasur arabë, nordikë, italianë po e po, nga Europa Lindore por edhe nga Azia kemi pasur kinezë."
Operatorët shprehen se pandemia nuk i ka ndaluar pushuesit e fundjavës.
Një tjetër problem që hasën bizneset sezonin që po lëmë pas është edhe mungesa e punëtorëve.
"Ka pasur nevojë për 1000 punonjës minimalisht."
