Tensionet në veri, Kurti i përgjigjet Borrellit: BE nuk duhet ta bëjë aksionin e policisë problem etnik

Nga OraNews Përditësimi i fundit 13 Tetor 2021, 16:04

Shefi i Stafit të kryeministrit Albin Kurti, Luan Dalipi i është përgjigjur kryediplomatit evropian, Josep Borell pasi ky i fundit kritikoi qeverinë e Kosovës për veprime të njëanshme dhe pakoordinuara të aksionit të sotëm të policisë kundër kontrabandës.

Borrell përmes Twitterit shkruan se incidentet e dhunshme në veri të Kosovës ditën e sotme duhet të ndalen menjëherë.

Dalipi ka replikuar në ‘tweet-in’ e Borell duke shkruar se policia sot ka zhvilluar aksion kundër krimit dhe kontrabandës në katër komuna të Kosovës përfshirë edhe Mitrovicën e Veriut.

“Aksioni i sotëm i policisë së Kosovës ka qenë i drejtuar kundër krimit dhe kontrabandës në katër komuna të Kosovës, njëra nga të cilat ka ngjarë të jetë pjesa veriore e Kosovës ku disa kriminelë kanë nxitur dhunën”, ka shkruar ai.

Dalipi po ashtu ka thënë se asnjë zyrtar i lartë i BE-së nuk duhet të provojë ta bëjë aksionin e policisë si problem etnik ose politik.

“Askush, dhe veçanërisht asnjë zyrtar i nivelit të lartë të BE-së, nuk duhet të provojë ta bëjë këtë si problem politik ose etnik, si dhe koordinimi i dyanshëm nuk është relevant në këtë rast, sepse për ta ndalur krimin dhe tregtinë e paligjshme është një kompetencë tipike për një shtet sovran”, ka shkruar ai./OraNews/