Krim në familjen shqiptare në Francë/ Adoleshenti vrau babanë me armë sepse i dhunonte nënën, në paraburgim 13-vjeçari
Nga OraNews Përditësimi i fundit 12 Tetor 2021, 13:51
Një ngjarje e rëndë ka ndodhur javën e kaluar në Francë, ku një 13-vjeçar shqiptar nga Kosova ka vrarë me armë zjarri të atin, pasi ky i fundit i dhunonte nënën.
Mediet franceze njoftojnë se ngjarja ka ndodhur të enjten e kaluar (8 tetor).
Adoleshenti shqiptar e qëlloi në kokë të atin me armë, pasi sipas tij nuk duronte të shikonte dhunën kundër nënës së tij.
Bashkëshortja e dhunuar ka thënë për policinë franceze se gjithçka filloi nga një mosmarrëveshje që kishte çifti midis tyre.
Ajo tha se mbrëmjen e ngjarjes burri kishte ardhur në gjendje të alkoolizuar në shtëpi.
Megjithatë deklarata e gruas dhe fëmijëve bie në kundërshtim me ekzaminimin e mjekut ligjor, pasi ai nuk gjeti asnjë shenjë dhune në trupin e gruas.
Mësohet se 13-vjeçari e qëlloi të atin në sy të nënës së tij dhe motrës 7-vjeçare. Më pas 13-vjeçari u largua me vëllanë e tij 12-vjeçar.
Ata e fshehën armën në disa shkurre pranë shtëpisë, pastaj u endën rrugëve të Nancy, gjatë gjithë natës para se të dorëzoheshin në polici të nesërmen.
Djali 13-vjeçar pranoi krimin, ai akuzohet për vrasjen e babait të tij dhe tashmë është dërguar në qelinë e paraburgimit.
