Tentuan të vjedhin një banesë në Sukth, 3 në pranga, në kërkim vëlla e motër

Nga OraNews Përditësimi i fundit 9 Tetor 2021, 12:24

Policia e Durrësit ka arrestuar 3 persona dhe ka shpallur 2 të  tjerë në kërkim duke parandaluar një vjedhje me armë zjarri.

Policia ka zbardhur dhe 8 vjedhje të tjera që dyshohet se janë kryer nga ky grup kriminal, që ushtronin veprimtari kriminale në fushën e vjedhjes së pronës.

Personat e arrestuar në kuadër të operacionit “Rrethinat”

L. P., 21 vjeç, banues ne Katund Sukth, i dënuar më parë për armëmbajtje pa leje;

A. K., 20 vjeç, banues në lagjen Kodra, Shijak, i dënuar më parë  për vjedhje;

D. C., 24 vjeç,  banues në Fermë, Sukth, i dënuar më parë për vjedhje.

Personat e shpallur në kërkim

P. P., 27 vjeç, banues në Katund, Sukth, i dënuar më parë  për vjedhje

A. P., 20 vjeçe, banuese në  lagjen nr.13, Durrës (vëlla e motër).

"Këta shtetas ne bashkëpunim me njëri- tjetrin, rreth orës  20:00 të mbrëmjes së djeshme, në fshatin Katund, Sukth, kanë tentuar të vjedhin me armë zjarri  në banesën  e shtetasit B.M. Gjatë operacionit shërbimet e Policisë sekuestruan në cilësinë e provës materiale  një armë zjarri kallashnikov dhe fishek luftarakë," informon policia.

Autorë të dyshuar të 8 vjedhjeve të ndodhura më parë

Nga veprimet  e para hetimore të kryera, dyshohet se këta shtetas janë autorë edhe të 8 vjedhjeve të tjera të ndodhura më parë dhe konkretisht:

1-Më datë 17.06.2021, shtetasit K.B.,  në oborrin e banesës i kanë vjedhur  motomjetin;

2-Më datë 12.07.2021, gjatë natës, në lagjen ‘’Stalla’’Sukth, kanë vjedhur në banesën e shtetases B. T., 3 televizorë plazma dhe dy frigoriferë;

3-Më datë 06.08.2021, kanë tentuar të vjedhin në  banesën e shtetasit Sh. K.,;

4-Më datë 18.08.2021, gjatë natës, në banesën e shtetasit M. L., kanë vjedhur  sende të ndryshme;

5-Më datë 08.09.2021, gjatë natës, në Sukth, në banesën e shtetasit L. D., kanë  vjedhur disa telefona celularë;

6-Më datë 18.09.2021, në Sukth, i kanë vjedhur telefonin celuar shtetases Sh. L.;

7-Më datë 01.10.2021, në lagjen Nr.17, Durrës, kanë vjedhur  në Qendrën Shëndetësore, pompën e ujit dhe sende të tjera;

 8-Më datë 03.10.2021, në  Katund i Ri, Durrës, në banesën e shtetasit S. R., kanë vjedhur sende me vlerë bizhuteri dhe 1 televizor.

Policia vijon punën për kapjen e  dy personave të shpallur në kërkim.

Materialet  në ngarkim të shtetasve të mësipërm i kaluan për veprime të mëtejshme  Prokurorisë Pranë Gjykatës Shkallës Parë Durrës, për veprat penale  "Vjedhja  me armë, e mbetur në tentativë” dhe  “Vjedhja” e kryer në bashkëpunim”./OraNews/