Kultivuan kanabis në Mërtiraj të Vlorës, një i arrestuar, tjetri në kërkim
Nga OraNews Përditësimi i fundit 7 Tetor 2021, 09:34
Sekuestrohen një sasi lënde narkotike kanabis dhe 1 armë zjarri automatik në Vlorë.
Policia ka arrestuar shtetasin E. I. 35 vjeç si dhe ka shpallur në kërkim L. I., 30 vjeç, të dy banues në fshatin Mërtiraj, Selenicë.
Këta shtetas dyshohen se në bashkëpunim me njëri-tjetrin, gjatë muajit shtator dhe tetor, kanë kultivuar bimë narkotike të dyshuara cannabis sativa, në vende të ndryshme të territorit të fshatit Mërtiraj.
Shqipëria, pjesë e Festivalit Ballkanik të Filmit në Romë
7 Tetor, 09:19
Në vijim të kontrolleve në banesat e këtyre shtetasve, konkretisht në banesën e shtetasit L. I., shërbimet e Policisë gjetën dhe sekuestruan në cilësinë e provës materiale 1.1 kg lëndë e dyshuar narkotike kanabis (në trajtë bimore), si dhe 1 armë zjarri automatik.
Materialet i kaluan Prokurorisë pranë Gjykatës së Shkallës së Parë Vlorë, për veprime të mëtejshme.
