FOTO/ Një "kancelare" për përkëdhelje: Njihuni me arushin prej pelushi të Angela Merkel, nuk do ta besoni sa kushton
Nga OraNews Përditësimi i fundit 1 Tetor 2021, 12:05
Duket se Angela Merkel ka shumë adhurues nëpër botë. I tillë është Martin Herman, pronar i një dyqani lodrash, i cili punoi me dorë një arushë pelushi, duke portretizuar fytyrën e Merkel.
Edhe pse Merkel po largohet nga posti i kancelares, arushi prej pelushi do të mbetet si simbol për të kujtuar 16 vitet e kontributit të Merkelit në politikën gjermane.
Arushi prej pelushi i Angela Merkerl kushton plotë 189 euro.
"Arushat prej pelushi janë punuar të gjithë me dorë, një nga një. Duhen rreth 4 orë, durim dhe art i madh. Partnerët tanë investojnë shumë pasion, shumë kohë për secilën pjesë, për një rezultat perfekt, ” thotë Herman.
"Ne kemi një listë të gjatë pritjeje për këdo që dëshiron të porosisë, 500 arushët e parë kanë mbaruar brenda pak ditësh. Lufta për arushin pelushi të Merkel sapo ka filluar. Njëri prej tyre tashmë i është dërguar Merkelit," thotë Martin.
"Kemi një traditë të gjatë në zanatin tonë për të bërë arushë pelushi të politikanëve të mirënjohur të gjitha niveleve dhe vendeve," thotë Martin Herman.
"Ne e bëmë arushin pelushi Angie në 2005, kur Merkel mori postin e kancelares. Dhe atëherë ne patëm idenë për të bërë një tjetër për ta nderuar atë pas asaj që ajo arriti këtu ku është tani për 16 vjet ".
Arushi prej pelushi duket si Merkel, i njëjti stil flokësh, i njëjti gjerdan margaritar me ngjyrat e flamurit gjerman, e njëjta xhaketë dhe të njëjtat pantallona. Gjithashtu, Martini ka krijuar arushë edhe për shumë figura të mëdha politike, si Barak Obama dhe Mbretëresha Elizabeth./Ora News/
