Agravon zjarri në Parkun Kombëtar të Prespës, në vendngjarje 5 zjarrfikëse dhe dy avionë të vegjël
Nga OraNews Përditësimi i fundit 30 Gusht 2021, 15:30
Situata e zjarrit në Parkun Kombëtar të Prespës e cila është zonë e mbrojtur vijon të jetë kritike.
Burime për Ora News, zjarri ka agravuar për shkak edhe të erës së fortë që fryn. Në terren janë më tepër se 5 mjete zjarrfikëse dhe 2 avionë të vegjël, të cilët po ndërhyjnë nga ajri, me qëllim neutralizimin e flakëve.
Në zonë po ndërhyjnë punonjës të ADZM, punonjës të shërbimeve publike e dhjetëra zjarrfikëses. Duke qenë se zjarri është në kufi me Greqinë ndihmë po jepet dhe nga ana e bashkisë greke të Prespës të cilët kanë siguruar avionët e vegjël ndërkohë që janë nisur forca tokësore zjarrfikëse.
Nga komunikimi me telefon me drejtorin e përgjithshëm të emergjencave civile Haki Çako, ky i fundit shprehet se drejt zonës së Prespës janë nisur forcat e armatosura po ashtu dhe zjarrfikëse të tjera të qarkut të Korçës.
Ai konfirmon se nuk ka rrezik në jetë apo banesa.
