Talibanët i kërkuan grave afgane të qëndrojnë në shtëpi sepse ushtarët 'nuk janë të trajnuar' t'i respektojnë ato
Nga OraNews Përditësimi i fundit 25 Gusht 2021, 22:42
Frika po rritet për gratë dhe vajzat në Afganistan pasi talibanët u thanë grave që punojnë të qëndrojnë në shtëpi, duke pranuar se nuk ishin të sigurta në prani të ushtarëve të grupit militant.
Zëdhënësi i talibanëve, Zabiullah Mujahid tha në një konferencë shtypi të martën, 24 gusht se gratë nuk duhet të shkojnë në punë për sigurinë e tyre.
Udhëzimi erdhi në të njëjtën ditë kur Banka Botërore ndaloi financimin në Afganistan, duke cituar shqetësimet në lidhje me sigurinë e grave, dhe brenda pak orësh nga OKB -ja duke bërë thirrje për një "hetim transparent dhe të shpejtë" mbi raportet e abuzimeve të të drejtave të njeriut që nga marrja nën kontroll e talibanëve.
Mujahid tha se udhëzimi për të qëndruar në shtëpi do të ishte i përkohshëm dhe do të lejojë grupin të gjejë mënyra për të siguruar që gratë të mos "trajtohen pa respekt" ose "Zoti na ruajt, të lëndohen". Ai pranoi se masa ishte e nevojshme sepse ushtarët talibanë "vazhdojnë të ndryshojnë dhe nuk janë të trajnuar".
"Ne jemi të lumtur që ata të hyjnë në ndërtesa, por duam të sigurohemi që ata të mos përballen me ndonjë shqetësim," tha ai.
Kur ishte në pushtet midis 1996 dhe 2001, grupi militant ndaloi gratë nga vendi i punës, i ndaloi ato të dilnin nga shtëpia të pashoqëruara dhe i detyruan të mbulonin të gjithë trupin e tyre.
Grupi ka këmbëngulur se epoka e tij e re në krye do të jetë më e moderuar, por udhëheqësit talibanë kanë refuzuar të garantojnë se të drejtat e grave nuk do të hiqen dhe shumë prej tyre tashmë janë përballur me dhunë.
