Dy foshnja afgane lindën menjëherë pasi u ulën në bazën ajrore amerikane në Gjermani
Nga OraNews Përditësimi i fundit 25 Gusht 2021, 20:24
Sekretari i shtypit i Pentagonit John Kirby konfirmoi se përveç një foshnje të lindur në një aeroplan evakuimi C-17 në Afganistan, dy foshnja të tjera lindën menjëherë pasi u ulën në Bazën Ajrore të Ramstein në Gjermani.
"Më thanë që nënat, baballarët dhe foshnjat janë të gjithë mirë dhe të shëndetshëm dhe të gjithë duken mirë atje, dhe nëse mund të marrim më shumë informacion mbi këtë, do të jem në gjendje ta siguroj atë pak më vonë," tha Kirby.
Kirby tha se nuk e dinte nëse foshnjat e lindura në bazën ajrore amerikane konsideroheshin qytetarë amerikanë.
Komandanti i Komandës së Transportit të SHBA, gjeneral Steve Lyons, u tha gazetarëve gjatë një konferencë shtypi se të paktën tre foshnja kanë lindur gjatë operacioneve të evakuimit nga Afganistani.
C-17 ku lindi foshnja u ul në Bazën Ajrore Ramstein nga Doha, Katar, shkruan CNN.
Baza është shfaqur si një pikë kryesore tranziti për të evakuuarit nga Afganistani./OraNews/
