"Hemoragjia" në PD-në e Korçës, Baçi: Dorëheqje qesharake të njerëzve që tashmë kanë ikur
Nga OraNews Përditësimi i fundit 9 Gusht 2021, 20:45
Pas dorëheqjes së 13 anëtarëve të kryesisë së bashku me ish kryetarin, Andrea Mano, Partia Demokratike e Korçës nuk po gjen qetësi.
Të hënën, 9 gusht 51 anëtarë nga radhët e lidhjes demokratike të gruas, kryetarë dhe sekretarë seksionesh kanë dhënë dorëheqjen, me argumentin se kjo forcë politike është kthyer në klienteliste dhe ekziston vetëm për interesat e Lulzim Bashës.
Analisti Agim Baçi i ftuar në studion e lajmeve të Ora News komentoi largimin e 51 drejtuesve nga Partia Demokratike në Korçë. Ai u shpreh se këto janë dorëheqje disi qesharake.
"Këto dorëheqje janë qesharake disi, pas kuvendit që janë hapur zgjedhjet për të zgjedhur kryetarët dhe sekretarët e rinj, kryetarët e grup seksioneve, kështu normalisht janë të larguar.
Është dorëheqje e një njeriu që tashmë ka ikur, megjithatë Partia Demokratike duhet t'i shikojë këto lloj pakënaqësish që ka, ku mbështeten, apo janë thjeshtë lojëra sezonale. Unë e pres që opozita të jetë në një represion më të madh nga qeveria që në mandatin e tretë. Siç ka bërë deri tani zoti Rama që të larguarit nga opozita kanë qenë gjithmonë në qendër të vëmendjes. Është një lloj strategjie që e ka ndjekur zoti Rama ku të ikurit nga qeveria janë të rëndësishëm, ndërkohë që denoncimet që ka bërë opozita vazhdojnë të flenë në SPAK," deklaroi Baçi.
Intervistoi Matilda Mcini
