Zvicra gjen pasuesin e Petkoviç. Trajneri i ri është Murat Yakin

Nga OraNews Përditësimi i fundit 9 Gusht 2021, 13:06

Në Shtator rinisin eliminatoret e Botërorit dhe Zvicra nuk mund të vonohej më për trajnerin e ri. Sot Federata Zvicerane e Futbollit njoftoi se trajneri i ri i Zvicrës është, Murat Yakin, ish mesfushor i famshëm i kombëtares vite më parë dhe tani trajner ku dy vitet e fundit ka drejtuar Schaffausen në ligën e dytë helvete.

Me 46-vjeçarin nis një epokë e re për Zvicrën që prej shumë vitesh u drejtua nga Petkoviç, me këtë të fundit që mori drejtimin e Bordeaux, dhe tani synimi është Botërori i Katarit. Pikërisht kontrata e firmosur nga Yakin me Federatën e Zvicrës është një vjeçare deri në përfundimin e eliminatoreve me të drejtë rinovimi për eliminatoret e Europianit të ardhshëm.

 

Debutimi i Yakin në krye të Zvicrës do të jetë më 1 Shtator në miqësoren me me Greqinë teksa 4 ditë më pas më 5 Shtator do të jetë dhe përballja në shtëpi ndaj Italisë në eliminatoret e Botërorit për Grupin C.