Të vaksinuar me dy doza të Pfizer, dy raste me Delta nga Pogradeci kthehen mbrapsht në Kapshticë
Nga Iris Rezhda Përditësimi i fundit 26 Korrik 2021, 13:42
Identifikohen dy raste të dyshuara me versionin Delta. Bëhet fjalë për një familje në një fshat të Pogradecit.
Ata janë kthyer pas në doganën e Kapshticës pasi kanë bërë Rapid Testin në palën greke.
Burimet theksojnë se rastet e dyshuar me variantin Delta kanë qenë të vaksinuar me 2 doza të Pfizer.
Është bërë karantinimi i personave të dyshuar dhe kontaktet e tyre dhe pritet përgjigja nga Ministria e Shëndetësisë.
Në Shqipëri janë konfirmuar 21 raste infeksioni me koronavirus variantin Delta.Nga këto 13 kanë shkaktuar vatra familjare që tregon se ka infektueshmëri të lartë.
Në spitalin Covid 1 ndodhen të shtruar 9 pacientë të cilët janë të infektuar me varianin Delta të koronavirusit. Pacientët që u është dashur të marrin kujdes spitalor nuk kanë qenë të vaksinuar.
