Kanabis dhe kokainë, arrestohet në Durrës 32-vjeçari i dënuar me 5 vjet burg

Policia e Durrësit ka vënë në pranga një 32-vjeçar, i shpallur në kërkim për veprimtari kriminale në fushën e narkotikëve.

Forcat Operacionale në Drejtorinë Vendore të Policisë Durrës, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin Elvis (Vasil) Mërtiri, banues në Durrës, pasi Gjykata e Shkallës së Parë Durrës e ka dënuar me 5 vjet burgim për veprën penale "Prodhimi dhe shitja e lëndëve narkotike".

Ky shtetas, më datë 13 mars 2017, është kapur me një sasi lënde narkotike cannabis sativa dhe një sasi lënde narkotike kokainë.

Materialet i kaluan Prokurorisë së Rrethit Gjyqësor Durrës, për veprime të mëtejshme.