Lezhë, ushtronte aktivitet me muzikë pas orës policore, gjobë 1 mln lekë për pronarin
Nga OraNews Përditësimi i fundit 11 Korrik 2021, 11:40
U konstatua duke ushtruar aktivitet me muzikë pas orës policore, ndëshkohet me gjobë, pronari i një subjekti në Lezhë.
Policia ka vendosur gjobë me vlerë 1.000.000 lekë, për pronarin e subjektit, shtetasin V.J.,banues në Ishull Lezhë, për shkelje të orarit të përcaktuar në aktin normativ.
"Shërbimet e Komisariatit të Policisë Lezhë, në vijim të kontrolleve për zbatimin e planit të masave për garantimin e rendit dhe qetësisë publike dhe monitorimin e lokaleve që vijojnë organizimet me muzikë pas orarit të përcaktuar për mbyllje, në kundërshtim me masat anticovid të vendosura nga organet kompetente. Në vijim të kontrolleve, shërbimet e Policisë kanë konstatuar në Ishull Lezhë, një subjekt që po vijonte organizimin e aktivitetit me muzikë pas orarit të përcaktuar për mbyllje." - njofton policia.
Policia ka vendosur masën administrative 1.000.000 lekë, për pronarin e subjektit, shtetasin V.J.,banues në Ishull Lezhë, për shkelje të orarit të përcaktuar në aktin normativ, për zhvillimin e aktiviteteve.
Drejtoria Vendore e Policisë Lezhë apelon për të gjithë administratorët dhe pronarët e lokaleve që të respektojnë masat anticovid dhe orarin e përcaktuar për ushtrimin e aktivitetit.
