Priten ndryshime të reja në Policinë e Shtetit, Ardi Veliu thërret në takim shefat e komisariateve
Nga Edison Vatnikaj Përditësimi i fundit 9 Korrik 2021, 08:54
Drejtori i Përgjithshëm i Policisë së Shtetit Ardi Veliu mblodhi këtë mëngjes drejtuesit e lartë të policisë në vend, në ditë pas takimit me kryeministrin Rama.
Për rreth një orë është diskutuar për ristrukturimin e policisë, ndërsa burimet bëjnë me dije se të tjera ndryshime pritet të përfshijnë kupolën drejtuese edhe në nivel lokal.
Pas lëvizjeve të ndërmarra në drejtoritë e qarqeve, Ardi Veliu do të ristrukturojë dhe komisariatet.
Kjo është mbledhja e dytë që Veliu organizon me vartësit në harkun kohor të 1 muaji.
Një ditë më parë në takimin me drejtuesit e rendit dhe ministrin e Brendshëm, kreu i qeverisë kërkoi pastrimin e bregdetit nga ndërtimet, barazi për të gjithë dhe policë që të njohin ligjet, ndëshkimin e dhunës në familje por dhe në kontrollin e qarkullimit.
