Rrëzimi i aeroplanit në Rusi, dyshohet për gabim njerëzor

Nga OraNews Përditësimi i fundit 6 Korrik 2021, 16:22

Aeroplani i cili u zhduk sot në mëngjes u gjet i rrëzuar në det nga ku gjetën vdekjen 28 persona, në afërsi të gadishullit Kamchatka në lindje të Rusisë ndërsa po përgatitej të ulej, njoftoi  agjencia e lajmeve RIA.

Aeroplani ishte nisur nga kryeqyteti rajonal Petropavlovsk-Kamchatsky për në Palana,  një fshat në Kamchatka veriore.

Në bord ndodheshin 22 pasagjerë dhe 6 ekuipazh, raporton Reuters.

Agjencia ruse e lajmeve TASS , duke cituar shërbimet e urgjencës, tha se sipas raporteve fillestare, shkaku i rrëzimit ishte gabimi i ekuipazhit, si pasojë e kushteve të këqija atmosferike, për shkak të cilave ekuipazhi nuk kishte fushëpamje të qartë të rrugës ajrore.

Aeroplani u rrëzua në një zonë shkëmbore, dhe rrënojat e saj u shpërndanë në detin e Okhotsk, 4 km nga qyteti i Palana.