Rruga për te spitali i Dibrës në mëshirë të fatit, banorët: Bashkia duhet të marrë masa
Nga OraNews Përditësimi i fundit 27 Qershor 2021, 14:51
Kjo është rruga që të çon në spitalin e Dibrës.
Asfalti i shtruar pak vite më parë, në disa vende është çarë e diku tjetër janë krijuar gropa.
Qytetarët shprehen të revoltuar me Bashkinë e cila sipas tyre e ka lënë rrugën në këtë situatë.
''Nuk ka kush për të bërë rrugën. Bashkia duhet të marrë masa. Këtu nuk vihet dorë.''
"Rruga është plot me gropa dhe me ujëra. Faqja e zezë."
Të tjerët hedhin dyshime se po diskriminohen për shkak të përkatësisë së tyre politike.
''Na e bëjnë për inat se ka fituar PD-ja këtu.''
Më të vështirë e kanë ambulancat që transportojnë të sëmurë.
Nuk kanë asnjë rrugë tjetër paralele veç të kalojnë sipër gropave.
Jo vetëm gjendja e asfaltit që është e degraduar, por kësaj rruge i mungojnë edhe trotuaret si dhe ndriçimi për lëvizjen gjatë natës.
