"Tifozët nuk kanë ndikim edhe nëse luan jashtë" debat mes të ftuarve në "Euro 2020"
Nga OraNews Përditësimi i fundit 23 Qershor 2021, 23:36
Në ''Euro 2020" në RTV Ora, gazetari Altin Sulçe dhe Ervin Nikolla debatuan me specialistin e futbollit Florian Riza lidhur me ndikimin e tifozëve kur lojtarët luajnë në fusha kundërshtare.
Riza: Në aspektin e e tifozëve në fushë një lojtar nuk ka asnjë lloj presioni. Nuk ka fare presion. Nuk dikon aspak, e them nga eksperienca personale.
Sulçe: Hap statistikat e futbollit botëror, cilat ndeshja fitohen më shumë; ato jashtë apo brenda?
Riza: Kjo është një gjë tjetër. Mua tifozi kundërshtar nuk më impresionon. Këtë e thotë çdo lojtar.
Sulçe: Po pse nuk fitoni kur luani jashtë? Pse kur je në shtëpi fiton dhe kur luan jashtë rrihesh.
Riza: Kjo ka të bëjë me aftësinë për të fituar apo jo. Kur shkon në fushën e kundërshtarit ndoshta dukesh më i ndrojtur.
Nikolla: Kur ke ti përballë kur gjuan penalltinë 20 mijë të çmendur që të bërtasin dhe të fërshëllejnë, nuk ndjen presion?
Sulçe: Tifozët janë lojtari i 12-të.
