Kadilli: PD zhbëri sakrificat e demokratëve, duhet të ikë, por u zvarritur në karrigen e kryetarit
Nga OraNews Përditësimi i fundit 7 Qershor 2021, 21:34
I ftuar në PolitikOn në RTV Ora nga Alfred Lela, kandidati për kreun e PD-së, Fatbardh Kadilli u shpreh se nuk ka lidhje fakti se nuk ishte në listat për deputet me kandidimin e tij.
Ai tha se Basha me zgjedhjet e 25 prilli zhbëri gjithë sakrificat dhe mundin e demokratëve për gjatë 8 viteve opozitë.
Kadilli: Nuk ka lidhje sfidimi im ndaj Bashës me faktin e të mos qenit në listë, sepse edhe po të isha do të kisha bërë të njëjtin veprim, me mënyrën se si gjërat rrodhën dhe se çfarë bëri Basha me sakrificën e opozitarëve prej 8 vitesh.
Projekti i tij ishte shumë i rëndë dhe me zgjedhjet e 25 prillit zhbëri e shpërdoroi çdo sakrificë dhe mund që kishin demokratët. Prandaj mendoj se nuk ka çfarë ti japë më PD-së me projektin e tij. Basha nuk është larguar, por është zvarritur në karrigen e kryetarit. Prandaj unë jam këtu për ta ngritur PD-në.
