Rama plane me sipërmarrësit turq: Nga ndërtimi i fabrikës së vaksinave deri te kontrolli i vendit me dron
Nga OraNews Përditësimi i fundit 3 Qershor 2021, 18:52
Kryeministri Edi Rama gjatë takimit të tij në Ankara është takuar me sipërmarrësit e ekselencës turke.
Ata kanë diskutuar për ndërtimin e fabrikës së 7 llojeve të vaksinave, një qendër e teknologjisë së lartë në perfieri të kryeqytetit dhe sistemin ek ontrollit të territorit të vendit me dronë superinteligjentë.
Rama ka ndarë edhe disa foto nga takimi e ndërsa shkruan se bisediemt janë pjesë e programit të mandatit të tretë.
Postimi i plotë në Facebook:
"Ankara - Ditë bashkëbisedimesh të detajuara me sipërmarrje të ekselencës turke për:
*Ndërtimin e fabrikës së 7 llojeve të vaksinave, si zemra e një qendre të klasit të parë të prodhimit farmaceutik
*Teknopark Albania, një qendër e teknologjisë së lartë në periferi të kryeqytetit, për kompanitë HighTech, Start Up-et e kërkimin shkencor, sipas modelit të suksesshëm të jetësuar në Turqi, si katalizator i transformimit ekonomik e social dhe krijimit të vendeve cilësore të punës për të rinjtë
*Sistemin e kontrollit të territorit të vendit me dronë superinteligjentë, për prodhimin e të dhënave në kohë reale mbi rrugët, bregdetin, tokën bujqësore, pyjet, rendin publik natyrisht e të tjera akoma
* Programin e Mandatit të Tretë për infrastruktren kombetare"
