Lëkundet ndërtesa 300 metra e lartë, shikoni momentin kur njerëzit ia mbathin të tmerruar

Nga OraNews Përditësimi i fundit 18 Maj 2021, 18:18

 

Një ndërtesë e lartë me më shumë se 70 kate është evakuuar pasi filloi të lëkundej në qytetin jugor të Kinës, Shenzhen.

Sipas mediave të huaja, personat e pranishëm filluan t’ja mbathnin me vrap sapo panë që ndërtesa 300 metra e lartë filloi të lëkundej.

Autoritetet lokale nuk e dinë ende se çfarë ndodhi me ndërtesën 20-vjeçare, pasi nuk është regjistruar asnjë tërmet.

Ndërkohë, në fotot e publikuara në media shihen njerëzit që përplasen me njëri-tjetrin teksa përpiqen të largohen sa më shpejt.

Ndërtesa ndodhet në qendër të Shenzhen, një qytet i gjerë me më shumë se 12 milion njerëz, i njohur për industrinë e teknologjisë. Sakaq ka autoritetet kanë nisur hetimet në lidhje me rastin në fjalë.