Ekspozita e skllavërisë, objekte që dikur përdoreshin për të ndëshkuar skllevërit ekspozohen në muze
Nga OraNews Përditësimi i fundit 18 Maj 2021, 14:10
Dhjetëra objekte që dikur përdoreshin për të ndëshkuar skllevërit janë ekspozuar në Muzeun Kombëtar Holandez, në Amsterdam. Ekspozita historike mbi skllavërinë, nxjerr në pah të kaluarën e errët koloniale të Hollandës.
Duke u përqëndruar në historitë e 10 personave, duke filluar nga njerëzit e skllavëruar te pronarët e skllevërve, shfaqja mbulon 250 vjet përfshirje hollandeze në skllavëri në Suriname, Brazil, Karaibe, Azi dhe Afrikën e Jugut.
“E kaluara koloniale është një element i rëndësishëm në historinë tonë kombëtare," tha AFP Valika Smeulders, kreu i departamentit të Historisë.
Kuratorët në muzeun e Amsterdamit thonë se duan të hapin një kapitull të ri, me disktutime rreth një periudhe të dhimbshme në historinë e vendit, ndikuar edhe nga reagimet e shkaktuara nga lëvizja “Black Lives Matter” ,vitin e kaluar.
Në shenjë reflektimi, do të jetë Mbreti Hollandez Willem-Alexander që do të çelë zyrtarisht ekspozitën. Ndërsa për publikun, ekspozita do të hapet kur të hiqen masat e koronavirusit për muzetë.
