Incidenti pas shfaqjes në Shkodër, shembet suvaja e ndërtesës, lëndohet aktori i “Migjenit”
Nga OraNews Përditësimi i fundit 17 Maj 2021, 14:08
Një incident u shënua në qendrën historike të Shkodrës pas një shfaqje në ambient të hapur nga Teatri "Migjeni". Një pjesë suvaje u shkëput nga një godinë e vjetër dhe ra mbi një aktor. Ngjarja pasoi një shfaqje në 1 vjetorin e shembjes së Teatrit Kombëtar dhe aktorët kërkuan reagim nga institucionet për shmangien e këtij rreziku për qytetarët.
Ky është momenti shembjes kur aktori, Nikolin Ferketa, mbeti i lënduar nga shembja e një pjesë suvaje nga një godinë në qendrën historike të Shkodrës.
Momenti kur shembet suvaja
Incidenti kaloi pa pasoja të rënda për aktorin, i cili kërkoi marrjen masave që ngjarje të tilla të mos rrezikojnë më askënd.
"Shteti duhet të marrë masa, është papërgjegjshmëri."
Aktori Nikolin Ferka i shtrirë
Edhe drejtorja e Teatrit "Migjeni" kërkoi nga autoritetet ndërhyrje pasi tavani ra në një kohë kur në zonë kishte fëmijë e shumë qytetarë, e mund të kishte pasur pasoja të rënda.
"Në një zonë muzeale si kjo duhet vënë dorë, bëj thirrje të izolohet që nesër ky vend".
Aktori Nikolin Ferka
Tavani u shemb në fund të shfaqjes "Anmiku në shtëpi" i Ernest Koliqit, një shfaqje që u vu në skenë nga aktorët e "Migjenit" në 1 vjetorin e Shembjes së Teatrit Kombëtar.
"Mesazhi i kësaj vepre është i qartë, e thotë dhe aktori në fund, poetin e ndjek ky fat i zi."
"Sot ne përballemi me shumë probleme ku antivlera dominon vlerën dhe ky është mesazhi i kësaj."
Për të parë këtë shfaqje ishin edhe aktorët e Aleancës së Teatrit, të cilët japin vlerësime maksimale për punën e trupës teatrore të Shkodrës.
Shembja e suvasë
"U kënaqa me plot gojën, jam shumë i emocionuar për ta, bravo u qoftë."
"Teatri mund të bëhet kudo, në rrugë, shtëpi, nëpër salla, por ajo që është e rëndësishme është shpirti i këtij qyteti, është shpirti i lirisë."
