Grabitja me sqepar tek "Rruga e Kavajës" ky është një nga dy grabitësit në arrati
Nga Edison Vatnikaj Përditësimi i fundit 11 Maj 2021, 16:29
Ky është Marian Gjonpalaj një prej autorëve të dyshuar të grabitjes që iu bë kambistit Qani Zili në zonën e Rrugës së Kavajës me datë 4 maj.
Ai së bashku më Marion Bajramin vijojnë të jenë në kërkim e ndërsa në pranga për këtë ngjarje ka rënë, Roni Spaho, ku sipas policisë ka pasur rolin e bashkëpunëtorit në grabitje.
Emri i Marian Gjonpalaj del i përfshirë në një tjetër ngjarje që ka të bëjë po me grabitje.
Marian Gjonpalaj
Ai së bashku më të vëllain Albert Gjonpalaj janë akuzuar nga policia si autorë të grabitjes të një shume prej 180 mijë dollarë në hotel "Sheraton" por u liruan për mungesë provash.
Ndërkohë për sa i përket Albert Gjonpalajt, vëllait të Marianit, me datën 13.05.2018 u arrestua nga policia pasi ka qëlluar me armë zjarri Andrea Brigon, duke i shkaktuar 2 plagë në kofshën e djathtë.
Për sa i përket ngjarjes së ndodhur me 4 maj policia ka kryer disa kontrolle më qëllim kapjen e 2 personave por pa rezultat.
