Shikoni videon / Sulmi vdekjeprurës në shkollë, nxënësit hidhen nga kati i tretë për t’i shpëtuar vdekjes
Nga OraNews Përditësimi i fundit 11 Maj 2021, 14:33
Të paktën 7 nxënës dhe 1 mësues u vranë në një sulm të armatosur, këtë mëngjes, në shkollën e mesme, në qytetin rus Kazan.
Pamjet nga vendi i sulmit, të regjistruara nga dëshmitarët okularë, tregojnë nxënësit teksa hidhen nga kati i tretë i shkollës për t’i shpëtuar të shtënave. Sipas zyrtarëve shëndetësorë të Tatarstanit, 21 persona u dërguan në spital me plagë pas sulmit, duke përfshirë 18 fëmijë, gjashtë prej tyre në kujdes intensiv.
Autoritetet thanë se masa shtesë sigurie ishin vendosur në të gjitha shkollat në Kazan, një qytet rreth 700 km në lindje të Moskës.
Policia ka hapur një hetim penal për të shtënat.
Ndërsa të shtënat në shkolla janë relativisht të rralla në Rusi, vitet e fundit ka pasur disa sulme të dhunshme në shkolla, kryesisht të kryera nga studentë.
