Të dehur në timon dhe shkaktuan aksidente, arrestohen tre shoferë në Durrës
Nga OraNews Përditësimi i fundit 10 Maj 2021, 08:40
Tre persona kanë rënë në prangat e policisë Durrës , pasi akuzohen për drejtim mjeti në gjendje të dehur. Uniformat blu bëjnë me dije se tre drejtuesit e arrestuar për shkak të gjendjes së tyre të dehur janë përfshirë në aksidente të ndryshme.
Gjithashtu, policia ka vendosur 185 masa administrative për shkelje të ndryshme dhe 18 drejtues mjetesh për tu paraqitur në Komision.
Policia njofton se është bërë arrestimi në flagrancë i shtetasve:
Z. Gj., 48 vjeç, banues në Shijak, pasi në aksin rrugor Maminas-Manëz, duke drejtuar në gjendje të dehur motomjetin tip "Lifan", ka humbur kontrollin dhe ka mbetur i lënduar pasagjeri shtetasi Sh. Gj., i cili pas mjekimit të marë në spital është larguar në banesë.
B. S., 48 vjeç, banues në Sukth, pasi në aksin rrugor Sukth-Shijak, duke drejtuar në gjendje të dehur mjetin tip "Opel", është përplasur me një tjetër mjet duke i shkaktuar dëme materiale.
M. B., 47 vjeç, banues në Tiranë, pasi në aksin rrugor Gjiri Lalëzit-Maminas, duke drejtuar në gjendje të dehur mjetin tip "Toyota", është përplasur me një tjetër mjet duke i shkaktuar dëme materiale.
Nga ana e Strukturave të Drejtorisë Vendore të Policisë Durrës vijon intensivisht puna në rritjen e sigurisë për të gjithë përdoruesit e rrugës.
