Kërcënon policinë me granatë, arrestohet 51 vjeçari në Gjirokastër, ishte dënuar për vrasje dhe kontrabandë më parë
Nga OraNews Përditësimi i fundit 8 Maj 2021, 10:32
Një 51 vjeçar në Gjirokastër është vënë në pranga nga uniformat blu pasi kërcënoi me granatë policinë.
Pas informacioneve të marra se shtetasi A.I posedon armë në banesën e tij, policia ka shkuar për të ushtruar kontroll në banesën e 51 vjeçarit.
Alban Islamaj ka kërcënuar uniformat blu me një granatë difensive në dorë duke mos lejuar kontrollin e banesës nga policia.
Autori ka tentuar të largohet, por është neutralizuar nga policia.
Gjatë kontrollit në banesë, shërbimet e Policisë kanë sekuestruar një armë zjarri kallashnikov me një krehër me fishekë luftarakë.
Materialet procedurale i janë kaluar Prokurorisë pranë Gjykatës së Shkallës së Parë Gjirokastër, për veprime të mëtejshme.
51 vjeçar është një emër i njohur për drejtësinë pasi rezulton të jetë dënuar më parë për vrasje dhe kontrabandë.
