Pema që digjet prej një viti
Nga Besmira Pelushaj Përditësimi i fundit 6 Maj 2021, 15:00
Një sekuja gjigante digjet prej një viti, në një pyll në Kaliforni. Ekspertët kanë sqaruar se shkak është thatësira e madhe pas ndryshimeve të klimës. Edhe këtë vit, autoritetet në pjesën perendimore të SHBA janë në alert për shkak të rrezikut nga zjarret.
Një pemë gjigante në Kaliforni vazhdon të digjet një vit pas zjarrit të madh që shkatërroi zonën pyjore në fund të verës së vitit 2020.
"Shkencëtarët dhe zjarrfikësit e Shërbimit të Parkut Kombëtar kohët e fundit ekzaminuan efektet e Zjarrit të Kalasë në 2020 në Parkun Kombëtar Sekoya dhe panë se një sekuja gjigante po digjej ende," njoftuan të mërkurën shërbimet e Parkut Kombëtar Sequoia.
Kjo sekuia është e izoluar dhe nuk paraqet rrezik për mjedisin ose ata që vizitojnë parkun, por fenomeni që vazhdon për shumë muaj pasi është shuar zjarri "tregon për nivelin e lartë të thatësirës në park", tha Leaf Mathesen, ekspert në menaxhimin e zjarrit në Parqet Kombëtare të Sequoia.
Thatësira kronike, akute për shkak të ndryshimit të klimës vërehet në pjesën perëndimore të SHBA.
Në vitin 2020, zjarret e pashembullta shpërthyen në zonë, duke iu marrë jetën 33 vetëve dhe duke djegur 17,000 kilometra katrorë vetëm në Kaliforni.
Autoritetet po presin më të keqen këtë vit dhe tashmë kanë filluar të marrin masa për të adresuar thatësirën për të dytin vit radhazi.
