Celibashi: Të nisë numërimi i votave për kandidatët
Nga OraNews Përditësimi i fundit 27 Prill 2021, 16:38
Komisioneri Shtetëror i Zgjedhjeve Ilirjan Celibashi ka udhëzuar që për ato KZAZ që kanë përfunduar numërimin e votave për subjektet zgjedhore, të fillojnë numërimin për kandidatët ditën e nesërme në në orën 9:00.
Në ato KZAZ ku ka filluar, ose pritet të fillojë numërimi i votave për kandidatët, numërimi do të vazhdojë sot deri në orën 24:00 dhe do të rifillojë nesër në datën 28 prill 2021, në orën 9:00.
"Sipas të dhënave elektronike të orës 14:00 ka përfunduar tërësisht procesi i numërimit dhe i vlerësimit të fletëve të votimit për partitë politike, koalicionet dhe kandidatët e pavarur për qarqet Shkodër, Lezhë, Kukës, Fier, Elbasan, Gjirokastër, Korçë, Dibër, Berat & Vlorë. Komisioneri Shtetëror i Zgjehdjeve, z. Ilirjan Celibashi ka udhëzuar që për ato KZAZ që kanë përfunduar numërimin e votave për subjektet zgjedhore, të fillojnë numërimin për kandidatët nesër, datë 28 prill 2021 në orën 9:00. Në ato KZAZ ku ka filluar, ose pritet të fillojë numërimi i votave për kandidatët, numërimi do të vazhdojë sot deri në orën 24:00 dhe do të rifillojë nesër në datën 28 prill 2021, në orën 9:00."
