Finiq/ Zhduken 505 fletë votimi të fshatit Livinë
Nga OraNews Përditësimi i fundit 26 Prill 2021, 22:45
Një rast i paprecedentë është raportuar sot në mbrëmje në bashkinë e Finiqit.
Fshati Livinë i Finiqit ka 600 banorë me të drejtë vote, dhe nga KQZ janë dërguar 600 fletë votimi, por të dielën kanë ushtruar të drejtën e tyre vetëm 95 qytetarë.
Dikutimi për kutinë e votimit
Sot pasdite në KZAZ nr 91 të Finiqit pasi përfundoi numërimi i kutisë me nr 46/33 - që i përket këtij fshati - komisionerët vunë re se mungonin 505 fletët e votimit të papërdorura.
Dikutimi për kutinë e votimit
Nuk dihet ende se çfarë ka ndodhur me këto 505 fletë votimi.
Ndërkohë nga 95 fletë votimi që u gjetën në kuti, 90 ishin pro një subjekti politik ndërsa 5 ishin për një subjekt tjetër politik
Sipas gazetares Lushkaj nuk dihet ku kanë shkuar fletët e votimit të papërdorura dhe vetëm pas tre orëve debat u kërkua të mbahej një proçesverbal. Nisur dhe nga presioni i mediave që ishin të pranishme komisionerët vendosën ta shpallnin të pavlefshme atë kuti votimi.
Kutia e votimit
Bashkia Finiq ka pjesëmarrjen më të ulët në votime për shkak se në të jetojnë minoritarë dhe ardhja nga Greqia ka qenë e pamunduar për shkak të karantinës.
Si duhej te veprohej me fletet e votimit te paperdorura
Në një rast të ngjashëm këto fletë votimi duhet të ishin vendosur në një zarf dhe të mbërrinin në KZAZ së bashku me materialet e tjera zgjedhore, por komisionerët e KZAZ kur kanë hapur kutinë kanë gjetur vetëm 95 fletët e votimit.
