Tetë qarqe pajisen me materiale zgjedhore, nesër shpërndahen në Tiranë, Elbasan, Durrës dhe Lezhë
Nga Fjorela Beleshi Përditësimi i fundit 22 Prill 2021, 10:25
Materialet zgjedhore, si fletët dhe kutitë e votimit, për 8 qarqe janë shpërndarë me makinat e ushtrisë të shoqëruar nga policia e shtetit nga magazinat e KQZ-së në Lundër drejt KZAZ-ve. Ndërsa për 4 qarqet e tjera procesi pritet të përfundojë diten e premte.
Makina e ushtrisë duke shpërndarë materialet zgjedhore
Drilona Hoxha: Vlorë, Shkodër, Dibër, Gjirokastër, Korçë, Kukës, Fier, Berat. Ndërkohë ditën e nesërme do të shpërndahet baza materiale edhe për katër qarqet e tjera që janë qarku Tiranë, Elbasan, Durrës dhe Lezhë".
Me 25 prill edhe personat me aftësi të kufizuar do të mund të votojnë nëpërmjet fletës së votimit të posaçme.
Fleta e votimit për personat që nuk shikojnë
Më herët janë shpërndarë në 92 KZAZ-të e vendit dhomat e fshehta të votimit, pajisjet i identifikimit elektronik, fletushkat shpjeguese si edhe materialet anti- Covid.
Për herë të parë, me 25 prill, 5199 qendrat e votimit do të jenë të pajisur me kamera, të cilat sipas Komisionerit Shtetëror do të garantojnë një proces të sigurt dhe transparent.
Por Celibashi sqaron se prania e kamerave nuk do të cënojë fshehtësinë e votës, pasi do të ketë kujdes në vendosjen e tyre për të shmangur këtë shqetësim.
