Në 17:00 çelet fushata: PD bën gati sheshin, "Shqipëria fiton"
Nga OraNews Përditësimi i fundit 25 Mars 2021, 13:04
Partia Demokratike çel sot zyrtarisht betejën për zgjedhjet e 25 prillit në sheshin "Nënë Tereza."
Dy kampet politike duket se përballjen e parë do ta kenë ditën e sotme pasi kanë lënë të njëtij orar të prezantimit të platformave të tyre.
PD-ja po bën gati stendën politike, ku do të jetë një podium në të cilin do të ngjitet kryetari Lulzim Basha dhe folës të tjerë të cilët janë emra të rinj që ofrohen në listën e Partisë Demokratike.
Ndërkohë PS do të çelë fushatën në 18:00
Do të ketë një shpalosje të gjithë alternativës, të asaj çka zoti Basha e quan një dokument pune.
Një element i rëndësishëm që Partia Demokratike dhe Aleanca për ndryshim ofron është fakti që do të ketë një instrument kundër atyre që PD-ja i quan oligarki dhe korrupsion, do të ketë një sistem të ri ligjesh kundër goditjes së këtyre elementëve.
Çelja e fushatës së sotme do të jetë një aktivitet që ka një ndërthurje mes prezencës fizike ku do të jenë aleatët dhe të gjithë kandidatët e Partisë Demokratike dhe grupet e tjera do të jenë të pranishme nëpërmjet komunikimit online.
Partia Demokratike ndryshe nga ajo Socialiste e cila në posterin e vet ka nxjerrë foton e Ramës dhe simbolet e Lules dhe grushtit në miniaturë, ka krijuar posterin me sloganin "Bashkë për ndryshimin, Shqipëria fiton. Voto 9 Partia Demokratike."
