VIDEO/ Befason Benevento, mposht Juven në Torino
Nga OraNews Përditësimi i fundit 21 Mars 2021, 17:18
Benevento është surpriza e kësaj jave në Serie A.
Skuadra modeste mposhti 0-1 Juventusin në ndeshjen e vlefshme për javën e 27-të në elitën e futbollit italian.
Në minutën e 69-të ishte Adolfo Gaich i cili befasoi “Zonjën e Vjetër” duke gjetur golin që vlen tre pikë të arta për ekipin e Filippo Inzaghit.
Ai shfrytëzoi një gabim në mbrojtje nga Arthur për t’i dhënë avantazhin e papritur Beneventos.
Me këtë humbje, Juventus bën një hap fals në garën për titull, duke u renditur në vendin e tretë me 55 pikë, 9 me pak se kryesuesit e Interit që kanë një ndeshje më shumë për të luajtur.
