Shtyrja e negociatave, reagon PD: Dështimet e njëpasnjëshme të Ramës lënë Shqipërinë jashtë BE
Nga OraNews Përditësimi i fundit 17 Nëntor 2020, 22:36
Pas shtyrjes së vendimit të negociatave për Shqipërinë nga ministrat e çështjeve të jashtme të BE, ka ardhur dhe reagimi nga Partia Demokratike.
Ish-deputetja e PD Grida Duma ka postuar një video me dështimet e mazhorancës në lidhje me negociatat e Shqipërisë me BE, krahas së cilës shkruan se dështimet e njëpasnjëshme të Ramës për të 7 -tin vit e lënë Shqipërinë jashtë pragut të Europës.
Reagimi i plotë:
Pa zgjedhje të lira nuk ka hyrje në Europë!
Kodi zgjedhor i njëanshëm dhe mosfunksionimi i Gjykatës Kushtetuese, bënë t’ia përplasin derën në fytyrë Ramës.
Dështimet e njëpasnjëshme të Ramës për të 7 -tin vit e lënë Shqipërinë jashtë pragut të Europës.
Negociatat u shtynë!
Shqipëria vonohet në histori.
Shqiptarët largohen e lënë vendin.
Shkaktari, mëkatari, feston si një Judë dështimin si sukses!
