Pollo: Shtrembërimi i garës që tentoi sot Rama me të tijtë nuk e ndihmon dot të mbahet kacavjerrur pas pushtetit
Nga OraNews Përditësimi i fundit 5 Tetor 2020, 18:45
Ish-deputeti demokrat, Genc Pollo, thotë se shtrembërimi i garës që tentoi sot Rama me të tijtë nuk e ndihmon dot të mbahet kacavjerrur pas pushtetit dhe as të shpëtojë nga fati që i takon, e aq më pak të pengojë një Shqipëri, normale, demokratike dhe europiane.
Reagimi i tij erdhi pas votimit të ndryshimeve në kodin zgjedhor në mënyrë të njëanshme nga mazhoranca në Kuvend dhe një pjesë e opozitës parlamentare.
Kuvendi miratoi draftin për ndryshimet në kodin zgjedhor me 97 vota pro, 15 kundër dhe 5 abstenim.
Ndryshimet ndalojnë koalicionet parazgjedhore, ndërsa parashikojnë prag elektoral 1% si dhe lista të hapura.
