Festa e Shën Mërisë mbledh qindra besimtarë në manastirin e Zvërnecit
Nga OraNews Përditësimi i fundit 15 Gusht 2020, 20:48
Festa e Shën Mërisë, një traditë e përvitshme për besimtarët orthodoks ka mbledhur me qindra besimtarë në manastirin e Shën Mërisë në Zvërnec të Vlorës.
Një festë e përvitshme dedikuar figurës ëngjëllore tëShën Mërisë e cila fillon drekën e 13 Gushtit dhe kulmon 15 gushtin e cdo viti,në ditën e quajtur edhe si dita e Dafinës për shkak të bimës karakteristike qëpërdoret për gatime nga besimtarët.
Kjo festë është një prej më kryesoreve që kremtojnëbesimtarët e krishterë, trashëguar brez pas brezi.
''Kemi ardhur, na pëlqeu, jemi nga Durrësi dhe kemi ardhur për të parë manastirin. Është një festë fetare, ditë e shenjtë e Shën Mërisë, e festojmë vite nga pleqtë, nga gjyshërit.''
Për turistë nga shtete të ndryshme si Italia, Spanja, manastiri Zvërnecit ofron pamjen e mrekullueshme ndërthurur me kulturën fetare.
Enkas për këtë festë janë kthyer në shtëpi edheemigrantët, të cilët kanë edhe urimet e tyre.
''Unë jam në Greqi, por tani vij këtu.''
Këtë vit dita e Shën Mërisë ka sjellë afro 50 % më pakbesimtarë në manastirin e Zvërnecit se vitin e kaluar. Në shenjë tëbashkëjetesës fetare, edhe besimtarë myslimanë u janë bashkuar festimeve.
